С.Эрдэнэ УИХ-ын даргад шаардлага хүргүүлжээ

УИХ-ын АН-ын бүлгийн дарга С.Эрдэнэ УИХ-ын ээлжит чуулганыг нэн даруй хуралдуулахыг шаардсан албан бичгийг УИХ-ын дарга М.Энхболдод хүргүүлжээ. 

Уг бичигт Ерөнхий сайд болон Сангийн сайд Монгол банкны Ерөнхийлөгч нарын эдийн засгийн нөхцөл байдлын талаар хийсэн мэдэгдэл нь тооцоо судалгаагүй, бодит байдалд нийцээгүй, нэг талыг барьсан, хууль зөрчсөн, эдийн засагт сөрөг нөлөөтэй, иргэдийг төөрөгдүүлсэн, гадаад дотоод хөрөнгө оруулалтад ноцтой хохирол учруулсан үйлдэл болсон. Иймд УИХ-ын чуулганыг хуралдуулж, дээрх албан тушаалтнуудад хариуцлага тооцох болон улсын төсвийн орлогыг нэмэгдүүлж, зарлагыг бууруулах тухай асуудлыг хэлэлцэх нь зүйтэй гэж үзжээ. 

В.Баяраа