Агентлагийн даргаас Ерөнхийлөгч хүртэл албан тушаалтны цалинг 30 хувиар бууруулна

Ерөнхий сайд Ж.Эрдэнэбат өчигдөр зарим салбарт цалинг бууруулна гэж мэдэгдсэн. Үүнтэй холбогдуулан Сангийн яамны Төсвийн бодлогын газрын дарга Ж.Ганбат "Агентлагийн даргаас Ерөнхийлөгч хүртэл албан тушаалтны цалинг 30 хувь бууруулна. Мөн аймгийн Засаг дарга болон ИТХ-ын даргын цалинг 30 хувиар бууруулна. Үүнээс гадна дээрх албан тушаалтнуудын шатахуун, утасны хэрэглээ болон тавилгын зардлыг 30 хувиар бууруулахаар төлөвлөж байгаа аж. Зөвхөн утасны хэрэглээг 30 хувиар бууруулахад 100-200 сая төгрөг хэмнэх боломжтой" гэлээ.