“KFC” сүлжээг антибиотек тарьсан тахианы махаар үйлчлэхгүй байхыг шаардлаа

АНУ-ын иргэд түргэн хоолны “KFC” сүлжээ рестораныг антибиотек тарьсан тахианы махаар үйлчлэхгүй байхыг шаардаж, 350 мянган иргэн гарын үсгээ зурж, тус хоолны газрын толгой компани болох “Yum Brands”-т хүргүүлсэн талаар BBC агентлаг мэдээллэжээ.

Тахианы өсөлтийг хурдасгаж, өвчнөөс сэргийлэх зорилгоор тахиануудад антибиотек хэрэглэдэг ба үүнээс үүдэн АНУ-д жилдээ 23 мянган хүн нас бардаг хэмээн тус улсын эрүүл мэндийн салбарынхан мэдэгдсэн байна. Тиймээс зоогийн газрууд антибиотекоор бордсон тахианы махыг хэрэглэхээс татгалзаж эхэлжээ.

Өнгөрсөн долоо хоногт “MC.Donalds” сүлжээ рестораны Канад, АНУ дахь салбарууд антибиотек тарьсан тахианаас татгалзаж байгаагаа мэдэгдсэн ч “KFC” сүлжээ энэ тал дээр дорвитой арга хэмжээ авч чадахгүй байгааг олон нийт шүүмжилж байна.

Б.ЦОГ