Итали залууг зогсоох жүдоч байсангүй

“Рио-2016” олимпийн жүдо бөхийн тэмцээний эрэгтэйчүүдийн 66, эмэгтэйчүүдийн 48 кг-ын медальтнууд өнгөрсөн шөнө тодорлоо. Эрэгтэйчүүдийн 66 кг-д өдгөө 21 настай Италийн Ф.Басели шигшээд дэлхийн чансааг тэргүүлж байгаа, дэлхийн аварга Ан Баулыг ялж, олимпийн наадамд анх удаа түрүүллээ. Эхний тойрогт гоц мөргөсөн тэрээр удаах даваануудад Герман, Азербайжаны бөхчүүдийг ялсан.

Улмаар хэсгийн аваргын төлөөх барилдаан манай ОХУМ Д.Төмөрхүлэгийг цэвэр, хагас шигшээд Словакийн А.Гомбечийг ялж, аварга болох нь тодорхой болсон юм. Түүнийг энэ жинд зогсоох тамирчин байсангүй. Харин хүрэл медалийг олимпийн хүрэл медальт, дэлхийн гурван удаагийн аварга М.Эбинүма, Р.Собиров нар хүртлээ. Харин манай тамирчин ОУХМ Д.Төмөрхүлэг VII байрт шалгарсан юм.

Эх сурвөлж: Medee.mn