“Босоо хөх Монгол”-ын Д.Чойпүрэвийг намагт живүүлэн, зодож тамалжээ

Өнгөрсөн шөнө "Босоо Хөх Монгол" ТББ-ын УЗ-ийн гишүүн Д.Чойпүрэв бусдад зодуулсан ноцтой хэрэг гарчээ. Тодруулбал, түүнийг ганцаараа байхад нь 10 орчим залуу зодож, маш хүнд бэртээгээд зогсохгүй улмаар намагт живүүлэн тамалсан байна.

Энэ хэргийг Хятад улсын иргэн Лю Дуншинь, Өвөр Монгол иргэн Чинба гэгч нар захиалсан бөгөөд монгол залууст их хэмжээний мөнгө өгсөн хэмээн эх сурвалж мэдээллэв. Тэдгээр залуус хохирогч Д.Чойпүрэвийн хөл, гурван хавиргыг хугалж, тархинд нь гэмтэл учруулсан байна. Одоогийн байдлаар гэмтлийн зэргийг эцэслэн тогтоогоогүй байгаа бөгөөд Д.Чойпүрэвийн биеийн байдал маш хүнд ГССҮТ-д эмчлүүлж буй юм.

Эх сурвалж: Medee.mn