Их аваргууд халз тулжээ

“Харумафүжи аваргатай Орхон голын эрэг дээр тулсан шүү. Миний байж байгаа байдал гэдэс гүзээ гэж ичмээр” хэмээн Арлын Японыг донсолгож аархаж явсан Их аварга Д.Дагвадорж өөрийн цахим хуудаснаа бичиж, Бямбадорж аваргатай үндэсний бөхөөр барилдсан бичлэгээ оруулжээ.Хэдий зодог тайлж бэлтгэл хийхгүй байгаа хэдий ч Д.Дагвадорж аварга Д.Бямбадорж аваргыг “далаар” нь тавин давсан юм.

Харин энэхүү бичлэгийг үзсэн цахим ертөнцийнхөн “аварга харих яагаа ч үгүй байна, арай л эрт зодог тайлчихсан юм даа” хэмээн үзэл бодлоо хуваалцжээ. Ямартай ч Д.Дагвадорж аваргыг дахин барилдахыг нь харсан хүмүүс унаган мэдрэмж гэдэг ямагт байсаар байх юм, хоёр аваргадаа амжилт хүсье гэсэн байна. 

В.Баяраа