“Харанга”-ын шоуны хамгийн секси бүсгүйгээр Б.Баярцэцэг тодров

Хөгжимгүй бол миний амьдрал утга учиргүй” хэмээн ярьсан дуучин Баярцэцэг хэсэг хугацаанд уран бүтээлийн завсарлага аваад байсан билээ. Учир нь ээж болж хөөрхөн охины ээж болсон гэдгийг хэн хүнгүй мэднэ. 

Боломжийн эвлэгхэн хоолойгоороо олонд танигдаж рок попын тогоонд рейтинг өндөр явах болсон тэрбээр хамгийн сүүлд Чингисийн талбайд “Харанга” хамтлагийн Алдрын одонгийн шоунд хүрэлцэн ирж Харанга хамтлагийн дууг торох юмгүй амилуулан өөрийгөө хэр сайн дуучин бэ гэдгээ харуулаад амжсан. Санаж буй бол тэрбээр хэвлэлд өгсөн ярилцлагандаа: “Намайг хүмүүс сүүлийн үед Sexy болчихсон гээд л байгаа. Ер нь би Рок попынхон дундаа хамгийн секси нь болоод байна шүү” гэх утгатай зүйл ярьж байсан удаатай. Тиймээ хүн өөрийгөө мэдэрнэ гэдэг сайхан... Тэр энэ үдэш ч хамгийн секси бүсгүйгээр яах аргагүй тодорч байсан юм. 

Э.Нашка