Лхагваагийн жижиг хувилбар дуулна л гэнэ шүү

Цалгисан их авьяас, оршихуйгаараа дахин давтагдашгүй орон зайг эзэгнэсэн “Харанга”-ын Лхагваа бяцхан хувилбартайгаа хамтдаа яваа агшныг бид та бүхэнд сонирхуулж байна.Нярайлахдаа 4,2 кг жинтэй байсан нөгөө бяцхан чинь том эр болж шүү. Л.Хүлэг хүү өдгөө гурван нас хүрсэн бөгөөд Харанга хамтлагийн зургаа дахь гишүүн болон энд тэндэхийн тоглолтон дээр гарч ирэн үзэгчдэд гэнэтийн бэлэг барьдаг болоод удаж байна.

Хүүгээ төрөх үед дуучин өөрийн фэйсбүүк хуудаснаа “Заааа, Төрсөн өдөрт минь хүү төрүүлж бэлэг барьсан Хайрт ханьдаа маааш их баярлалаа.Мөнх хөх тэнгэрээ баярлалаа. Хурай хурай...” хэмээн догдлон бичиж байсан билээ. Хүүгээ морин эрдэнэтэй холбож Хүлэг хэмээн нэр хайрласан Лхагваа хүүгээ хүлэг морь шиг хийморь сүлдтэй, хийморь нь босоо байг гэж билэгшээсэн биз.Нөгөө талаар тэрбээр өөрөө 1966 оны морь жилтэй бөгөөд Харангын хар азарга хоч ч нөлөөлсөн байх гэж фенүүд нь таамагладаг.

 Э.Нашка