Нийслэл хот бүхэлдээ үерт автлаа

Дөнгөж сая нийслэл  хотод цаг гаран үргэлжлэн орсон дуу цахилгаантай аадар борооны улмаас үер бууж ихэнх зам усанд автлаа. Тодруулбал Emart  худалдааны төв болон Хөдөө аж ахуйн уулзварын зам, Чингис зочид буудлын урд талын зам бүрэн усанд автжээ.

Мөн 32-ын тойргийн ойролцоох гэр хорооллын замууд болон Төмөр замын Богд-Ар" хорооллын орчмын зам үерийн усанд автаад байна. Үүний улмаас ажлаасаа тарж явсан иргэд машинтайгаа үерт урсах аюул учирсан тул Онцгой байдлын Ерөнхий газрын аврагч нар газар дээр нь шуурхай ажиллаж байна. Энэ тухай бид эргэн мэдээлэх болно. 

Э.Нашка