Дагваа аварга Жэк Ма-д тусгайлан массаж хийж өгчээ

Интернэт худалдааны Алибаба сайтыг үүсгэн байгуулагч тэрбумтан Жэк Ма эдгээр өдрүүдэд Асашёрюү Д.Дагвадоржийн урилгаар манай улсад зочилж байгаа билээ. Тэгвэл Д.Дагвадорж тэрбумтан андыгаа Монголд зочилж байх хугацаанд ихэд хичээнгүйлэн үйлчилж байгаа талаар Хятадын Weibo.com цахим сайтад бичжээ.

Үүгээр зогсохгүй Их аварга Асашёрюү тэрбумтан Жэк Ма-д тусгайлан массаж хийж байгаа зургийг нийтэлсэн нь хятадын цахим орчинд шуугиан тарьж байна. Тэрбээр айлчлалынхаа хугацаанд Экс Ерөнхий сайд Н.Алтанхуягийн "Хаан жимс" амралтын газар тухлаж, Д.Дагвадоржийн зүгээс Жэк Ма-д тусгайлан бэлдсэн урлагийн тоглолтыг үзэж сонирхсон. Өчигдөр түүний зүгээс УИХ-ын дарга М.Энхболдтой ажил хэргийн уулзалт өрнүүлж, монголын залуучуудад лекц уншсан билээ.

Э.Нашка