Мисс Д.Уянгалянхуагийн дэгжирхэл

Алтай нутгаар овоглогдсон хийморьлог эрчүүдээс Монгол Улсын Тод манлай уяач, “Макс”-ын Д.Ганбаатар, түүний гэргий Д.Уянгалянхуа нарыг танихгүй, мэдэхгүй хүмүүс тун цөөхөн. 

Гэргий Д.Уянгалянхуаг нь Монголын сайхан бүсгүй гэдгээр нь илүү таних бөгөөд тэрбээр баян Ганбаагийн эхнэр, дөрвөн  хүүхдийн ээж болоод нам гүм амьдралыг эрхэмлэж, сураг алдарсан гэхэд болно. Нөхрөө дагаад хурдан морь сонирхож, мэддэг болж Төрийн их баяр наадмаар хурдан буянгуудынхаа гал дээрээ үндэснийхээ хувцсаар гангарах дуртай Уянгааг тав дахь хүүхдээ тээж буй талаарх мэдээлэл сэтгүүлүүдийг чимж байсныг санаж буй биз. Тэгвэл дөрвөн их ой давхацсан үндэсний их баяр наадмаар тэрбээр хурдан буянгуудынхаа гал дээр галаа чимэн байсан юм.Жил бүрийн баяр наадмаар хамгийн дэгжин бүсгүйчүүдийн тоонд торох юмгүй багтдаг Уянгаа энэ жилийн наадмаар ч дэгжин хэвээрээ байсан юм. 

Э.Нашка