Хурдан морь, сайхан эхнэр хоёроосоо гар татдаггүй Ганбаа

Монголын толгой баячуудын нэг “Макс” Ганбаатарт улс төрийн намууд янз бүрийн санал тавьж, нэр дэвшүүлэх гэж элдвээр ятгаад дийлээгүй гэнэ. Бизнес эрхлэж, илүү дутуу хэл амнаас үргэлж ангид байхыг хүсдэг энэ эр улс төрийн тоглоомонд орооцолдож, мөнгөө хий дэмий юманд үрэхээс болгоомжилж байгаа бололтой.

Хурдан морь, мисс эхнэр хоёртоо мөнгө харамгүй зарцуулдаг “Макс”-ын Ганбаатарыг дэлхийд алдартай “Forbes сэтгүүл “Азийн баячууд буланд төрсөн ахынх нь хамт сурталчилж байлаа. Монголын баячууд хөрөнгө мөнгөө ил зарлах тун дургүй. Гэхдээ “Макс” Ганбаатарын хувьд хөрөнгө мөнгөө нэр хүндтэй сэтгүүлээр зарлахаас татгалзсангүй.

Уг сэтгүүлд “Монголын зах зээлийг “Макс” группийн супермаркетууд сүү, сүүн бүтээгдэхүүний үйлдвэр, түргэн хоолны “Берлинбургер”, “Макс­пот” халуун тогооны хоолны сүлжээ, цонх, хаалганы үйлдвэрлэлийн “Макс уйндовс”, барилгын “Макс өргөө”, брэнд хувцасны “Макс фэйшн”, тавилга хийгээд бэлэн хувцасны жижиглэн худалдааны “Макс Маll”, “MAXCENTER” төвүүд, түүнчлэн уул уурхай, алтны салбар дахь “МАХ MINING” гээд бүгд эзэгнэжээ. Үүн дээр тун саяхан үүдээ нээсэн дэлхийд алдартай “Ramada” зочид буудлын салбарыг тэд Улаанбаатарын төвд байгуулсан явдлыг нэмэх ёстой.