Их Монголын цуутай ”хатан”

Нас болгон өөртөө тохирсон гоо сайхантай бас бэрхшээлтэй. Тийм учраас хүн болгон насандаа зохицож тэр үеэрээ бахархаж, тэр үедээ амьдарч байх ёстой гэж хэлэх дуртай нэгэн бол ардын жүжигчин, төрийн соёрхолт Н.Сувд юм.

Монголын алдарт “Мандухай сэцэн хатан”-ы дүрийг дэлгэцнээ амилуулах хэн хүнд заяахгүй эрхийг авсан тэрээр азтай жүжигчин билээ. Энэхүү киноны хамгийн агуу дүрийг бүтээснээрээ Төрийн шагнал хүртэж байсан юм.

Өнөөдрийг хүртэл ардын жүжигчин маань хаа явсан газартаа Мандухай сэцэн хатны дүрээрээ овоглож яваа нэгэн. Жүжигчин Н.Сувд өдгөө 60 насын босгыг давсан ч саяхнаас үсэндээ анхаарах болж саарлаар будуулсан.

Өмнө нь байнга үндэснийхээ дээлээр гоёж явдаг байсан жүжигчинг үснийхээ өнгийг ийнхүү өөрчилөхөд гайхах нэгэн байтал сайшааж байгаа хүмүүс ч байгаа гэнэ шүү.