Жүжигчин Уранчимэг хулгайн киноныхоо талаар анх удаа ам нээлээ

“Хувьсал” продакшны бүсгүйчүүд “Зэрлэг цэцэгсийн хүлэмж”, “Зүрхээр наадагч” кинонуудаараа багагүй амжилт олоод байгаа. Тэгвэл тус продакшны жүжигчин А.Ганчимэгийн зохиолыг нь бичсэн “Зүрхээр наадагч” кино нэлээд асуудал дагуулсан. Учир нь яруу найрагч Х.Тэргэл өөрийн цахим хуудаснаа “Зүрхээр наадагч” кинонд миний ах дүүсийн Эрхэс, Тэргэл, Ялгуун, Энхжин нэрийг ашиглахын зэрэгцээ аавын минь бидэнд бичсэн Эрхэс тэнгэрт Тэргэл саран Ялгуун сайхнаар Энхжин мандмой” гэсэн шүлгийн мөрүүдийг ч бас зөвшөөрөлгүй ашигласан байна. Иймд тус киноны зохиогч, уран бүтээлчдийг оюуны өмчид зөвшөөрөлгүй хандсан гэж гомдол гаргахаа мэдэгдэж байна” хэмээж байв. Гэсэн ч “Хувьсал”-ын зүгээс энэ асуудалд байр сууриа илэрхийлээгүй юм. Тэгвэл “Хувьсал” продакшны захирал, МУГЖ У.Уранчимэг саяхан хэвлэлд өгсөн ярилцлагадаа энэ талаар дурджээ. Тэрбээр ““Хувьсал” продакшн энэ асуудалд ам нээгээгүй. Ер нь чимээгүй байна гэдэг хамгийн сайн хариулт байдаг. Ярих шаардлагагүй учраас л бид чимээгүй байгаа юм. Нэг айлын дөрвөн хүүхдийн нэрийг “Зүрхээр наадагч” киноны дүрүүдэд нэр болгож өгсөн нь үнэн. “Хувьсал” продакшн оюуны өмчийн дүрэм журмыг зөрчөөгүй. Хэзээ ч тэр хүний амьдралаар нь кино хийгээгүй. Хэрвээ буруутгаж байгаа бол энэ асуудлыг хуулийн хүрээнд шийдэх ёстой” хэмээсэн байна.