Т.Санчир 6000 мянган доллараар үнэлэгдэв

Монгол Улсын шигшээ багийн тамирчин Тунгалагийн Санчир Филиппин улсыг маргааш зорих билээ. Тэрээр тус улсын сагсан бөмбөгийн мэргэжлийн Лиг болох PBA-д тоглох гэрээнд хэдхэн хоногийн өмнө гарын үсэг зурсан юм.  Т.Санчир гадны улсын мэргэжлийн Лигт тоглохоор болсон Монголын хоёр дахь сагсчин. Анхных нь сагсчин Ц.Шаравжамц бөгөөд тэрбээр 1995-1996 онд Словакийн Лигийн "Вахостав Жилина" багт тоглож, сарын $3000 цалинг авдаг байжээ. Харин Т.Санчирын хувьд ийнхүү 20 жилийн дараа Монголын сагсчдаас мэргэжлийн лигт дахин уригдаж байна. Түүнийг сарын 6000 мянган долларын цалинтайгаар ажиллах гэнэ.