Айл бүрийн хойморт 30 жил тухайлсан эрхэм

Борооны дараах мөөг шиг олширсон энэ олон телевизүүдээс, дөчин жилийн түүхтэй МҮОНТ юм юмаараа л ахархана. Энэ том айлаас салгаж ойлгохын аргагүй эрхэм бол СГЗ нэвтрүүлэгч Д.Батбаяр. Айл бүрийн хойморт цэнхэр дэлгэцээр зочилж 30-а.ад жилийн нүүрийг үзсэн тэрээр сайхан ханиа алдсанаас хойш нэлээдгүй хугацаа өнгөрчээ. Түүнчлэн телевизийн нэрт нэвтрүүлэгч маань эфирт гарах нь цөөрсөөр сүүлийн үед харагдахаа больсон. Ер нь түүнийг үндэсний телевизийн хэсэг нөхөд хавчиж гадуурхдаг, ойн шоунууддаа ч оруулахаа больсон байгаа талаар яригддаг. Нэвтрүүлэгчийн охин нь ч энэ талаар "Аавын минь зураг телевизийнхний хүндэт самбарын хөлд нь шахуу байдаг" гэж ярьж байсан удаатай. Тиймээс ч СГЗ нэвтрүүлэгч маань өөрийнх нь авьяас, хөдөлмөр, нэр сүрийг өндрөөр үнэлж байгаа Өвөрмонголын "Одон" телевизэд ажиллахаар явсан аж.