Олныг хамгийн их гайхшируулсан гишүүн

Амлалт нэхэх ард түмний хөдөлгөөн”-ий дэд тэргүүн Г.Уянга жагсч, цуглаж, өлсөж байсны хүчинд УИХ-ын гишүүний сэнтийд заларсан. Тэгэхдээ тэрбээр “МАХН-МҮАН Шударга ёс эвсэл”-ээс УИХ-ын сонгуульд Чингэлтэй дүүргээс нэр дэвшсэн юм. Цагтаа сэтгүүлч Г.Уянга Н.Энхбаярыг хамгийн их муулж, АНУ-д хаустай гэх мэтээр бичиж, улмаар шүүхдэлцэж байсан. Харин УИХ-д нэр дэвшихдээ Ерөнхийлөгч асан Н.Энхбаяртай хүзүү, сээрээрээ холбогдож, хүнээс илүү дээдлэх болсон нь олон хүнийг гайхшруулсан билээ.