Бекхэмийн хүү Burberry-гийн нүүр царай болов

Алдарт хөлбөмбөгч Дэвид Бекхэм, загвар зохион бүтээгч Виктория Бекхэмийн хүү Ромео "Burberry" брэндийн зул сарын шинэ кампанит ажлын нүүр царай болжээ. "From London with Love" хэмээх кампанийг "Burberry"-гийн хүрэм, ороолтоор гоёсон 12 настай энэ жаал чимж байгаа юм. Тэрээр тус брэндийн өнгөрсөн оны хавар зуны коллекцийн рекламанд ч мөн адил супермодель Кара Делевинтэй хамт зургаа авахуулж байсан. 
Ромео Бекхэм харин энэ удаа зураг авахуулаад зогсохгүй богино хэмжээний кинонд хүртэл тоглосон нь ирэх зул сарын баярын нэг бэлэг болон үзэгчдэд хүрэх аж. Бекхэмийн хүү сурталчилгааныхаа нээлтэд ээж аавынхаа хамт хүрэлцэн ирэхдээ "Burberry"-гийн нэрийн хуудас болсон 315 фунтийн үнэтэй ороолт зүүсэн байв. Тэрээр Бекхэмийн гэр бүлийн хоёр дахь хүү нь билээ.