Роберт Патинсоны шинэ найз бүсгүй

Бүрэнхий цувралын од Роберт Патинсон өнгөрсөн долоодугаар сараас болзож эхэлсэн Британийн дуучин Фкатай хэдхэн хоногийн өмнө сүй тавьсан тухай “Hollywoodlife.com” мэдээллээ.

Хосууд ирэх оны эхээр хуримаа хийхээр төлөвлөсөн гэж Патинсоны ойрын найз “TMZ”сайтад ярьсан байна.

Тэд энэ сарын 12-нд Лондон хотод гэр бүлийнхээ хүрээнд сүй тавьцгаасан бөгөөд жүжигчин залуу сүйт бүсгүйдээ 550 мянган ам.долларын үнэтэй алмаазан бөгж өгчээ. Энэхүү мэдээллийг Патинсоны  найзууд баталж байгаа аж.

Харин хосууд одоог хүртэл тайлбар өгөөгүй билээ. Тэд өнгөрсөн сараас Лондон хотод байрлах Фкагийн гэрт хамт амьдрах болжээ.  Роберт Патинсон Фкагаас өмнө Рок нь роллын хаан Элвис Преслигийн зээ охин Райли Киотой үерхдэг байсан юм.