Дуучин Ч.Бат-Эрдэнэ гадаадад ч үндэсний хувцсаараа гангардаг

Монгол улсын гавьяат жүжигчин хэмээх эрхэм хүндтэй цолыг хүртэж уран бүтээлээрээ ард түмнээ уриалан дуудаж явсан дуучин Ч.Бат-Эрдэнэ Ирландад урлагийн менежмент чиглэлээр сурах болсоор хэсэг зуур чимээ алдараад байгаа билээ. Тэрбээр жилдээ хоёр удаа монголд ирдэг бөгөөд хамгийн сүүлд Лондоны олимпоор монголын тамирчдаа дэмжиж байгаад хамт ирсэн. Бас нэг зүйл дуулгахад гадаадад амьдарч байгаа ч гавьяат маань ёс заншилаа даган баяр ёслолын үеэр үндэсний хувцсаараа гангардаг гэнэ.