УТАСНААС ЗҮҮГДЭГЧИД

Хип Хопын "загалмайлсан эцэг"-үүдийн нэг "Люмино" хамтлагийнхныг манай дуран энэ удаад "буудлаа". Олон сайхан дуугаараа залуусыг байлдан дагуулдаг тус хамтлагийнхан сүүлийн үед нам жим байж одоогоор хуучин хит дуунуудаараа "халтуур" хийсэн шигээ л явна.

Дуулах ээлжээ хүлээнгээ тайзны ард минут тутам утсаар ярих тэднийг анзаарвал ажил ихтэй байгаа бололтой. Тус тусын гэр бүлийн амьдралыг төвхнүүлсэн Люмино хамтлагаас Бажи буюу Б.Батхишиг л уран бүтээлээ хааяа хааяахан туурвиж яваа харагддаг.

Нэг хэсэг реппер Quiza-тай "дайтсан" хамтлагийнхан анх гарч ирснээ бодвол ихэд намбалаг харагдана. Арга ч үгүй биз дээ. Аль дээр үеийн л "Бүрхэг мөртлөө уудам амьдрал, Чи бидний азтай учрал"-ын эзэд шүү дээ.