УЛАМ БҮР ӨНГӨЛӨГДӨХ ГҮНЧЭЭ+НАМУУН

Олны танил хосуудыг хараад л, анзаараад л байхад хамт байх тусмаа л "өнгө орох" юм даа. Хайр сэтгэл хүмүүст эрч хүч, инээд хөөр, баяр баяслыг бэлэглэж, сэтгэлийг өнгөлдөг. Хуримаа хийсэн хосуудыг бүр ч ярилтгүй. Цаанаасаа л аз жаргал, баяр баясгалан гэрэлтэх "хөөрхөн" хосуудын нэг нь "Mixx" хамтлагийн гишүүн Гүнчээ, жүжигчин Д.Хүрэлхүүгийн том охин Х.Намуун.

Үнэндээ манай хоёрт гавьсан гавьяа байхгүй л дээ. Нэг нь дуучин, нэг нь жүжигчний бага зэрэг авьяастай эдийн засагч бүсгүй. Гэхдээ Х.Намуунаагийн хувьд тэс өөр мэргэжилтэй ч "Тагнуулч аав" кинонд аавын авьяасын "хугархай" байгаа гэдгийг харуулаад авсан. Хосууд маань тогтвортой байж, хаана ч хамт харагддаг болохоор манай дуранд өөрсдөө л "ороод ирэх" юм. Рок стилиэр хосолсон тэд "Үерхэл тууштай нь дээр" гэдгийг утгаар нь харуулж яваа хоёр.