ЖҮЖИГЧИН Г.ОТГОНЦЭЦЭГИЙН ЦАГААН ХАЛИЛ

Улсын Драмын Эрдмийн Театрын сайхан бүсгүй, шаггүй жүжигчин Г.Отгонцэцэг үргэлж л ямар нэгэн хэл аманд өртөж явдаг. Тэр "хэл ам"-ыг хүмүүс сайн мэднэ. Өөрийгөө сайхан бүсгүй гэсэн л гэнэ, гоо сайхны мэс засалд хэтрүүлэн орсон л гэнэ, "явдал суудал" ихтэй л гэнэ, дандаа нүцгэн зургаа авахуулдаг л гэнэ бас хайртай залуутайгаа хэний ч өмнө секс хийхэд бэлэн л гэнэ.

Энэ удаад жүжигчин бүсгүйг харин тэнгэрт тултал магтая л даа. Цагаан хувцас, цагаан халил болсон Г.Отгонцэцэг үргэлж л стиль имижээрээ олны харааг булааж байдаг. Жүжигчний хувьд ч ур чадвар өндөр. Ганцхан жишээ дурдахад л та бидний сайн мэдэх "Орхидос" киноны хойд эхийн дүрийг "үзэн ядтал" бүтээсэн. "Ододтой бүжиглэе" наадамд түрүүлж, авьяаслаг бүжигчин болохоо харуулсан. Өөрийн бие даасан ардын дууны цомгоо хэвлүүлж хэр зэрэг дуучин болохоо ч харуулсан.

Ингээд бодохоор нэг хүнд баймгүй чамгүй олон чадвартай бүсгүй юм. Ийм бүсгүйг манай папараци дуран хэрхэн алгасаж чадах билээ. Бүх эмэгтэй жүжигчид ийм биш шүү дээ. Айхавтар магтсан.