ХАЛУУХАН МОДЕЛЬ ЭЭЖ

Германы нэрт модель Хайди Клум энэ амралтын өдрүүдэд хөвгүүдтэйгээ хөлбөмбөг үзэхээр яваад ийнхүү папарациудын дуранд "хөндөлсөх" нь тэр. Тэрээр Хэнри, Жохан хоёр хүүгээ дагуулсан, хөлбөмбөгийн талбай дах хамгийн халуухан ээж байсныг гадны папараци сайтууд онцолж байна. Арга ч үгүй биз. Насаараа загвар өмсөж, насаараа олны өмнө амьдарч, насаараа хоолны дэглэм барьсан учир биеэ ийн сайхан авч явах нь гарцаагүй.

Өнгөрсөн долоо хоногт Хайди Нью-Йоркт Ранвэй Төслийнхөө сурталчилгааны ажлыг амжуулсан бөгөөд өөрөөсөө хэдэн насаар дүү Вито Шнабелтай болзоод тун чиг завгүй явна. Хосууд энэ оны хоёр дугаар сараас эхлэн хайрын романс үүсгээд байгаа ба сүүлд шилдэг модель маань өөрийн бие хамгаалагч Мартин Кристинтэй үерхэж байсан билээ.