”МАСК” ГЭРЭЛЭЭ БА ТҮҮНИЙ НӨХӨД

Эмэгтэй жүжигчин хүн инээлгэнэ гэдэг ч ярвигтай асуудал л даа. МУГЖ И.Одончимэг, жүжигчин Ш.Алтанцэцэг буюу Ааяа зэргээс бусад хошин урлагийн эмэгтэй жүжигчид үзэгчдийг инээлгэхэд "асуудалтай". Тэгвэл дээр дурдсан эмэгтэйчүүдийг "шил даран" гарч байгаа, Монголчуудыг овоо инээлгэчихдэг "хошин" жүжигчин бол "Маск" Продакшны жүжигчин А.Гэрэлцэцэг.

Анх тус продакшнд орохдоо жүжигчин П.Эрдэнэзаантай дотно харилцаанд байж "ахисан" ч гэж хүмүүс түүний талаар жиг жуг гэлцдэг. Гэсэн ч авьяасаараа цойлоод гараад ирсэн түүнийг манай дуран энэ удаад "буулгалаа".

УДЭТ-ийн жүжигчин Г.Отгонцэцэг, Загвар өмсөгч н.Уянга нартай хөөрөлдөн зогсоо Гэрэлээ үсээ шараар будуулан, "долгионтуулсан" нь ихэд оворжуу харагдуулна. Магадгүй өөрөөсөө бага зэрэг эгчмэд "бест"-үүдтэйгээ үеийн харагдах гэсэн арга юм болов уу?

Юутай ч цагаан пиджак, цагаан сувдан зүүлтийг тээр "доор" байгаа цагаан үдээстэй хослуулсан бүсгүй хажууд нь зогсоо дотны найз н.Уянгыг дөнгөж амьдрал эхлүүлээд байхад нь "Миний Мисс найз охиныг гэр хороололд амьдрууллаа" хэмээн нөхрийг нь айхавтар зэмлэж байсан гэнэ билээ.