ЖЕННИФЕР ГАРНЕР ХӨӨРХӨН ХҮҮТЭЙГЭЭ

Холливудын нэрт жүжигчин Женнифер Гарнер өчигдөр өглөө өөрийн хүү Самуэлтэйгээ Брэнтвүүд Кантри Дэлгүүрээс гарч яваад папарациудын дуранд өртжээ. Тэр хоёр ихэд баяртай алхалж явна. Ээжийнхээ гартаа барьсан жигнэмгийг авахыг тэсэн ядан байгаа түүний хүү ихэд эгдүүтэй харагдана. Женийг Монголчууд бид жүжигчин, найруулагч, Оскарын шагналт Бен Аффлекийн эхнэр гэдгээр нь сайн мэдэх учиртай. Женнифер Гарнер өнгөрсөн долоо хоногт Торонтогийн Олон Улсын Кино наадамд оролцон, сүүлд тоглосон "Эр хүн, эмэгтэй хүн, Хүүхэд" киноныхоо сурталчилгааны ажлыг ч амжуулаад ирсэн билээ. Холливудынхан гэж хэзээний папарацичдаас айж дөлөхөөсөө "өнгөрсөн" хүмүүс байх юм даа.