Ким Юна ”Elle” сэтгүүлийн нүүрийг чимжээ

Сочийн олимпийн наадмаас мөнгөн медаль хүртэж, 24 насандаа зодог тайлсан БНСУ-ын нэрт уран гулгагч Ким Юна "Elle" (солонгос) сэтгүүлийн есдүгээр сарын дугаарын зочноор оролцож, ярилцлага өгчээ.

Мөсөн талбайд уран гулгалтын гайхамшгийг үзүүлж, нэгэн цаг үед энэ спортын хатан хэмээн өргөмжлөгдөж явсан Ким Юна Сочийн олимпийн наадмаас мөнгөн медаль хүртсний дараа "Би мөнгөн медалиа огтхон ч чамлаагүй, харамсах зүйл байхгүй. Одоо би эрх чөлөөтэй боллоо" гэж байсан.

Ким Юна "Ванкувер-2010", "Сочи 2014" наадмаас алт, мөнгөн медаль хүртэж, дэлхийн аварга цолыг хоёр удаа (2009, 2013)  хүртсэн. Мөн тэрээр ДАШТ-ий хоёр мөнгө, хоёр хүрэл медальтай.