ООЁ, БРЭД ПИТТИЙН БӨГЖ ГЯЛАЛЗААСТАЙ

Урт удаан хугацаанд дуншин байж хуримаа арай гэж нэг хийсэн Брэд Питт Нью-Йорк хотноо папарациудын дуранд буужээ. Анжелина тэр хоёр өнгөрсөн долоо хоногт хуримаа хийсэн билээ. Брэд Питт удахгүй нээлтээ хийх "Дэлхийн II Дайн -Fury" киноныхоо ажилд оролцохоор Нью-Йоркоос Лондонг зорьж байгаа нь энэ. Тэрээр папарациудын дуранд өртөхдөө янз бүрийн поз ч авсангүй, гагцхүү хуримын алтан бөгж нь л гялтганаад байх нь тэр. Дашрамд дурдахад Питт алдарт найруулагч Мартин Скорсис, Роберт Ди Неро болон Ленардо ДиКаприо нартай хамтран нэгэн брэндийн рекламанд тоглож байгаа бол Анжелина Мальтад зургаан хүүхэдтэйгээ байж "By the Sea" киноныхоо зохиол дээр ажиллаж байгаа юм байна.