Анжелина Жоли будгаа хэтрүүлэв

Хэзээд гоо сайхнаараа гайхагдаж байдаг жүжигчин Анжелина Жоли даваа гарагийн үдэш Нью-Йоркт болсон "Normal Heart" киноны нээлтэд хүрэлцэн ирэхдээ нүүрнийхээ будгийг хэтрүүлчихжээ. Энэ киноны продюссерээр Брэд Питт ажилласан учир А.Жоли хамтрагчаа дэмжихээр энд иржээ. Гэвч өөрийнх нь тоглосон "Maleficent" -ийн нээлтийн ажил, дараа дараагийн кино гээд зав муутай байгаа жүжигчин нүүрээ тухтай будах цаг ч гараагүй бололтой. Машинаас бууж ирэхдээ зүүн хацар, шанаа, дух, энгэртээ пудрээ хэтрүүлээд түрхчихсэн байсан нь тэднийг хүлээж байсан олон арван гэрэл зурагчдын дурангаас нуугдах аргагүй ил харагдаж байж.