Кардашьян мөнгөний хурим хийж байгаа юу?

Ким Кардашьян, Канье Уэст нарын хуримын ёслол тавдугаар сарын 24-нд Парис хотод болно. Залуу хосууд шуугиан дэгдээхээс гадна хуримын ёслолоороо мөнгө олох бодолтой байгаа бололтой. Учир нь Ким, Канье нарын хуримын ёслолоор нэвтрүүлэг хийх эрхийг телевизийн E! суваг худалдан авсан байна. Тэд хуримын ёслолын өмнө ба дараа болох бүхий л үйл явдлын бичлэгийг хийх зөвшөөрлийг авч чадсан гэнэ. Харин тэд энэ бүхний төлөө Ким бүсгүйд 15 сая ам. доллар төлөх ажээ. Мөн Кимийн ээж ч мөнгө олох бодолтой байгаа ба охиныхоо хуримын үеэр өөрийн биеэр авсан гэрэл зургуудыг дөрвөн сая ам.доллараар худалдахаар төлөвлөв.