Найруулагч Найдандорж шагналд нугасгүй

Найруулагчийн зангарагтай манай чадалтай уран бүтээлчдийн нэг бол яах аргагүй Ч.Найдандорж билээ. Хошин урлагийн "Хан гурвалжин" нэгдэл, X түц хамтлагаа орхин байж Улсын драмын эрдмийн театрын ерөнхий найруулагчийн албанд урилгаар заларсан тэрбээр хэлэх гэснээ хаана ч, хэний ч өмнө хэлчихдэг шударга эр. Хэдхэн сарын өмнө Урлагийн гавьяат зүтгэлтэн цолоор энгэрээ мялаахад хүн бүр нүдээ олсон шагнал гэж ам сайтай байсан. Харин мань хүн өөрөө ч и төрийн шагнал урамшуулалд дуртай гэдгээ нуухгүй хэмээн хэвлэлд цагаахан яриа өрнүүлжээ."Би чинь социализмын үлдэгдэл, багаасаа сайшаалын үнэмлэх авсаар байгаад сурчихсан юм" гэснийг нь уншсан найз нар нь "Шагналын хоббитой Найдаа хэмээн бүр ч ихээр цаашлуулдаг гэнэ лээ.