Дуучинаас, чуулгын дарга хүртлээ дэвшсэн МУГЖ Түвшинтөгс

"...Ачийн ачийг тэврэхдээ

Амин хайртай аав минь ээ

Аргадаж зэмлэж өсгөхдөө

Аргаа бараагүй ээж минь ээ "хэмээн оюутан байхдаа дуулж зэгсэн үнэлэгдэж байсан нь саяхан. Долоон хүүхэдтэй айлын дундах нь гэх энэ эрхэм "Орхон түшээ мөрөн", "Хайрхан уулын бараа", Шүүдэр цармын цэцэг", "Бурхан бумбын орон" дууг ар араас нь дуулж ард түмний зүрх сэтгэлд хоногшиж, саатаж чадсан нэгэн. Дуунд дуртай түмэн маань дууны нэрийг нь дурьдах төдийд л хэний тухай ярьж буйг төвөггүй мэднэ. Нөхөд нь түүнийг дуурийн урлагт үнэнч зүтгэсээр байгаад ганц клип ч хийлгэж амжаагүй гэх ч үнэн нь л тэр. Тэрээр өдгөө "Улаанбаатар" чуулгын даргын ажлыг хийж байгаа билээ.