Оскарын зураг Твиттерийн рекорд эвдлээ
Ердөө хэдхэн минутын өмнө өндөрлөсөн Оскарын 86 дахь шагнал гардуулах ёслол нэгэн рекорд тогтоолоо. Ёслолын үеэр хөтлөгч Эллен Деженере үзэгчдийн суудалд сууж байсан зарим ододтой хамт гар утсаараа зургаа авахуулж Твиттерээр цацсаныг хэдхэн минутын дотор хоёр сая гаруй жиргээчин ретвийт хийсэн нь Б.Обамагийн рекордыг эвдэв. Б.Обама хоёр дахь удаагаа сонгогдсоны дараа эхнэртэйгээ хамт авахуулсан зургаа "Дахин дөрвөн жил" хэмээн бичсэн нь 700 гаруй мянган ретвийт авч байсан юм.
Шууд нэвтрүүлгээр хэдэн арван сая үзэгчдэд хүрсэн Оскарын ёслолын үеэр Эллен ододтой хамт селфи авахуулахдаа Твиттерийн рекордыг эвдэх эсэхээ харъя хэмээн уриалсан учир жиргээчид ч түүнийг идэвхтэй дэмжжээ. Эллен зургаа нийтлэхдээ "Брэдли Куперийн гар арай жаахан урт байсан бол хамгийн сайхан зураг болох байлаа" хэмээн бичсэн байв. Хөтлөгч Эллен ёслолын үеэр ододтой зургаа авахуулах болсон нь зүгээр ч нэг гэнэтийн санаа биш байжээ. Энэ бол Оскарыг ивээн тэтгэсэн "Samsung" компанийн реклам байсан бөгөөд 30 секунд үргэлжилсэн энэ рекламны төлөө 1,8 сая ам.доллар төлсөн гэнэ.
Зурагт Эллен, Брэдли Купер, Женнифер Лоренс, Анжелина Жоли, Брэд Питт, Жулия Робертс, Мерил Стрип гээд Холливудын одод багтсан юм.
Таксигаар үйлчлэх нэрийдлээр эмэгтэйчүүдийг дээрэмдэн, хүчирхийлсэн байж болзошгүй этгээдүүдийг баривчилжээ
Бүх нийтийн их цэвэрлэгээг хоёрдугаар сарын 10-15-нд зохион байгуулна
Ерөнхий сайд Г.Занданшатар Эрчим хүчний сайд Б.Чойжилсүрэнд нэг сарын хугацаатай үүрэг өглөө
Улсын аварга малчин, саальчин, фермер, тариаланч хамт олон, тариаланчдыг шалгарууллаа
Гэр бүл, хөдөлмөр, нийгмийн хамгааллын салбар 2026 оныг Хөдөлмөр эрхлэлтийг дэмжих жилээр зарлалаа
Чингис хааны өв соёлын хүрээлэнг “Чингис хаан” үндэсний музейд нэгтгэлээ
Засгийн газрын урт хугацаат бонд, Монголбанкны үнэт цаас худалдан авахад зарцуулах хөрөнгийн хэмжээг баталлаа