Эштон Катчер Мила Кунис сүй тавьжээ

Жүжигчин Эштон Катчер, Мила Кунис нар сүй тавьжээ. 2011 оноос хойш хамт амьдарч байгаа хоёр жүжигчнийг хэзээ гэрлэх бол хэмээн хэвлэлүүд байнга сураг ажиг тавьж, Мила Кунис ядам хуруундаа хэзээ сүйж бөгж зүүх бол хэмээн хүлээж байсан. Тэгвэл гурван жилийн хугацааг хамтдаа өнгөрүүлсний эцэст тэд гэрлэхээр шийдсэн бололтой. Мила Кунис саяхнаас алмаазан шигтгээтэй сүйн бөгж зүүх болсон нь паппарацуудын дуранд аль хэдийнэ өртжээ.
Тэд сүй тавихаа хойшлуулсаар байсан нь жүжигчин Эштон Катчер өмнөх гэр бүлээ цуцлуулж, хуулийн хувьд ямар нэг асуудалгүй болохыг хүлээсэнтэй ч холбоотой. Эштон Катчер, Деми Мур нар 2006 онд гэрлэж, таван жил хамт амьдарсны дараа хоёр тийшээ болсон. Тэд хөрөнгийн маргаанаас болж шүүхээр гэр бүлээ цуцлуулах явц, удааширсаар өнгөрсөн жил эцэслэн шийдэгдсэн юм.