Рок аавын дуучин охин Сонор

Сүүлийн үед залуус амьд хөгжим тэр дундаа рок, альтернатив урсгалыг илүүтэй сонирхож таашааж буй. Үнэхээр ч рок поп нийтийн дуу гэх хоёр тусдаа хуваагдсан урлагийн уйтгартай, нэгэн хэвийн дүр зургийг яах аргагүй шинэ залуу үеийнхэн өөр өөрсдийнхөөрөө өөрчилж байна. Тэдний нэг болох дуучин Сонорын "Витамин" нэртэй анхны уран бүтээл залууст ихэд таалагдаж байгаа. Тэрээр "рок" тодотголтой Мөнхсайханы том охин аж. Рок аавын охин энэ удаа “Улаанбаатар” чуулгад тоглогдож буй “Анхны хайр” дуут жүжигчин дуучин Амархүүгийн хамтаар тоглож байгаа билээ.