Аз жаргалын шокын эзэн

Хошин шогийн хүрээнд ч тэр, кино ертөнцөд ч өөрийн гэсэн өнгө төрхөөрөө ялгарч байгаа залуу жүжигчдийн нэг бол яах аргагүй олонд танигдсан “Boomtown” хамтлагын дуучин М.Баярбат билээ. МҮОНРТ-ийн “Хэцүү анги” олон ангит кинод баян айлын эрх хүүгийн дүрээр кино урлагт олны танил болсон хэмээгддэг ч оюутан ахуйгаасаа хошин урлагынханы тоглолтонд оролцож ирсэн билээ. Тэрээр одоогоос долоон жилийн өмнө гэр бүлийн амьдрал зохиож “хар нялхаараа амрагууд” хэмээн цоллогдож байсан ч одоо бол “хаясан ч юм уу, хаягдсан ч гэх үү” эрийн ролийг амьдралд тоглохоор болсон бололтой. Тэрээр өдгөө найзуудынхаа хамтаар “Аз жаргалын шок” киног бүтээсэн мөн, гол дүрд нь тоглосон билээ. Энэхүү кино өдгөө ид залуучуудыг байлдан дагуулж байна.