Насны зөрүүтэй ч, нандин хайраар учирсан хосууд

Дуучин Астрог хүмүүс дуучин гэхээс нь илүүтэй ,12 насаар эгч эхнэрээр нь таньдаг. Уран бүтээлээсээ хөндийрч,хувийн бизнестээ анхаарлаа хандуулсан Астро эхнэртээ тун их хайртай хэмээн хаа явсан газраа эхнэрээ магтаж суудаг гэнэ. Түүний эхнэрийг Оюунтуяа гэдэг бөгөөд шоу менежер мэргэжилтэй. Өөрөөсөө олон насаар дүү дуучин залууг хань ижлээрээ сонгосон тэрээр хүмүүсийн хэлдгээр “эерэг энерги түгээдэг” цоглог дайчин бүсгүй хэмээн түүнийг ойр дотныхон нь дүгнэдэг. Оюунтуяад өөрийнхөө зан чанар, хүсэл эрмэлзэл, байр сууриа хувцаслалтаараа аль ч цаг үед мэдрүүлэх гайхалтай чадвартай. Ямарч арга хэмжээн дээр очсон хэнээс ч илүүтэй дэгжин хувцаслаж,олны анхаарлыг татдаг бүсгүй Астрод хөөрхөн хүү төрүүлж өгсөн. Стиль имиджиндээ тун их анхаардаг бүсгүй 40 хэдийнээ гарсан ч насандаа баймгүй залуу харагддаг.