Сталлонегийн ээж хэтэрхий олон мэс засал хийлгэсэндээ харамсдаг

Холливудын сайхан эрчүүдийн нэг Сильвестер Сталлоне аль хэдийнэ 60 гарсан. Харин түүний ээж өдгөө 92 настай эмэгтэй бий. Жэки Сталлоне хэмээх зураг дээрх энэ эмэгтэй 92 насандаа баймгүй хөнгөн шингэн, оворгүй нэгэн боловч ийм байхын тулд нүүрэндээ 50 гаруй удаа мэс ажилбар хийлгэсэндээ одоо харамсаад ч барахааргүй болжээ. Хэдийгээр мэс заслын дүнд одоо түүний нүүрэнд үрчлээс гэх зүйл байхгүй ч түүний оронд хүн харахад сэтгэл сэртхийм эвгүй дүр төрх бий болжээ. Жэки Сталлоне өөрөө ч үүнийгээ хүлээн зөвшөөрч олон арван мэс заслын дүнд нүүр нь яг л жирхнийх шиг болчихоод байна хэмээн ярьжээ. Хатагтай Сталлоне дүр төрхөө эвдсэнээс бус эрүүл мэндийн хувьд тун сайхан өтөлж яваа гэнэ. Тэрээр өглөө бүр бууцай, өндөг чанаж иддэг нь өндөр насалж буйн нууц хэмээн ярьдаг аж.