PSY ээлжит тэсрэлтээ хийхэд бэлэн болжээ

Өмнөд Солонгосын дуучин, ая зохиогч Psy  шинэ клипээ цацахаар бэлдэж байна. Энэ дуугаараа ч тэрээр дахин байлдан дагуулалт хийнэ хэмээн төлөвлөөд байгаа гэнэ. Анх  тэрээр “Gangnam Style” дуугаар дэлхий дахинаа алдаршиж, хандалтын тоогоор дээд амжилт тогтоосон. Дараагийн “Gentleman” нь өмнөх амжилтыг нь давтаагүй ч бас л шуугиан тариад амжсан.  Клипний зураг авалт дууссан бөгөөд Psy шүтэн бишрэгчдийнхээ хорхойг гозолзуулан бүх нууцаа хав дарсаар байгаа гэнэ. Зөвхөн энэ дуун дээр нь G-Dragon болон Солонгостоо алдартай хөвгүүдийн хамтлаг болох “Bigbang”-тай хамтран ажилласан гэхээс өөр зүйл тодорхойгүй байгаа гэнэ. Түүнчлэн тэр “Твиттер” дээрээ рэпер Снуп Доггтой хамт авахуулсан зургаа тавьжээ. Америкийн алдарт Снуп Догг Өмнөд Солонгосын дуучны клипэнд тоглосон төдийгүй хоёрдугаар сард гарах цомог дээр нь хамтран ажилласан гэнэ.