Ice top хамтлаг сүүлийн тоглолтоо хийнэ гэв үү?

“Ice Top” хамтлагийнхан жил бүрийн Цагаан сараар бие даасан тоглолтоо хийдэг уламжлалтай билээ. Тэгвэл тэд энэ удаад Цагаан сараар хамгийн сүүлийн тоглолтоо хийх гэж байгаа бололтой. Тус хамтлагийнхан ирэх хоёрдугаар сарын 01-нд “Best of Ice Top” нэртэй шинэ тоглолтоороо сонсогч фэнүүдээ баярлуулахаар төлөвлөсөн бөгөөд өдгөө бэлтгэл ажил, шинэ уран бүтээл гээд маш завгүй явж байгаа гэнэ.Хип хоп урлагийн ертөнцөд өөрийн гэсэн байр суурийг бий болгосон тус Хамтлагийнхан хэрвээ үнэхээр хамгийн сүүлийн тоглолтоо хийх гэж байгаа бол заавал үзэх залуучууд урт дараалал үүсгэх биз ээ.