Жүжигчин Хулан:Олон насаар ах хүнтэй суусан ч би жаргалтай амьдарч байна

Жүжигчин А.Хуланг 60 гарсан Өвөрмонгол өвөөтэй гэрлэж, хүүтэй болсон гэх үнэн худал нь мэдэгдэхгүй мэдээлэл цацагдаад удаж байна. Тэгвэл эл мэдээллийн талаар жүжигчин бүсгүй хэдхэн үг хэлсэн. Тэрээр “Миний хань гэр бүлдээ хайртай надад түшигтэй, надаас тодорхой насаар ах, өөрийн гэсэн бизнес эрхэлдэг жирийн нэгэн Монгол эр хүн. Түүнээс биш хэвлэл мэдээлэл цахим хуудсуудаар бичээд байгаа шиг 60 гарсан Хятад, Өвөрмонгол хүн биш. Энэ миний амьдрал. Энэ миний сонгосон сонголт. Би өөрийнхөө энэ амьдралдаа сэтгэл хангалуун, аз жаргалтай байгаа. Хүн бие биедээ хайртай байхад сууж болохгүй гэсэн хууль байхгүй шүү дээ. Одоо би маш сайхан аз жаргалтай амьдарч байгаа” хэмээх үгсээр худал бүх мэдээлэлд хариулт өгсөн юм. Жүжигчин маань одооноос уран бүтээлийн ажилдаа эрчимтэй орсон бололтой.