АЛДАРТ ЗӨН БИЛЭГЧ МОНГОЛД ИРЛЭЭ

Оросын нэрт зөн билэгч, “хар шидтэн” Влад Кадони дөнгөж сая Монголын цагаар 08.15 минутанд манай эх оронд ирлээ. Түүнийг ирэх болов уу, урд өмнө яригдаж байсан одууд шиг бас л хуурмаг нэгэн байх вий зэргээр сэтгэл түгшин хүлээж байсан Монголчууд цөөнгүй. Тэрээр Монголд дөрөв хоногийн айлчлал хийх бөгөөд нийгмийн сайн сайхны төлөө олон зүйл хийхээс гадна V.I.P хүлээн авалт, лекц, хувийн уулзалтууд, засал хийх гээд олон буян хийхээр биднийг зорин ирсэн билээ. Влад Кадони өөрийн туслахын хамт манай улсад ирсэн ба түүний Монгол дах айлчлалыг зохион байгуулагч “Оюунлаг язгууртан” ТББ-ын удирдлагууд болон хэвлэл мэдээллийн төлөөллүүд түүнийг хүндэтгэлтэйгээр угтан авсан юм. Одоо бид алдарт зөн билэгчийн хэрхэн “гайхуулахыг” харах л үлдлээ. Монголд сайн сайхан үйлийг хийхээр биднийг зорин ирсэн Влад Кадони чамд сэтгэл зүрхний гүнээс талархаж байгаагаа Монголын нийт ард түмэн дуулгаж байна.