ВЛАД КАДОНИЙГ УРИГЧ НУУЦ ХАТАГТАЙ

Оросын нэрт зөн билэгч, “хар шидтэн” Влад Кадонийг Монгол улсад урин авчирч байгаа эмэгтэйг бид олж “илрүүллээ”.

Түүнтэй танилцъя.

Зулаа гэх энэ эгэл жирийн бизнес хатагтай “Хос Билгүүнзул” ХХК-ний Захирал төдийгүй саяхан өөрийн “Оюунлаг Язгууртан” ТББ байгуулсны хамгийн анхны томоохон хэмжээний ажил Оросын нэрт зөн билэгчийг урьж байгаа ажил юм байна.

Тэрээр анх удаа бидний папараци дуранд өртөж байгаа нь энэ. Даруухан атлаа хөдөлмөрч энэхүү ажил хэрэгч эмэгтэй нийгмийн хариуцлагаа ухамсарлан, Оросын алдарт “шидтэн”-ээр дамжуулан Монголдоо сайн сайхан үйл хэргийг бүтээхээр төлөвлөж байгаа ажээ.

Шинэ Монголын боловсролтой, оюунлаг залуусын төлөөлөл болсон бизнесмен Зулааг олон хүн өндрөөр үнэлж, ам сайтай байдаг юм билээ.