Тал бүрийн мэргэжилтэй, жүжигчин Дэмидбаатар

Хошин урлагийн “Өнгөт инээд ” продакшныг үүсгэн байгуулалцаж байсан гэгддэг МУСТА Л.Дэмидбаатар УДЭТ-т харъяалагддаг ч гэлээ кино урлаг, хошин урлаг, цаашлаад утга зохиол, нийтийн дууны салбарт ч хүртэл хүч үзэж чадвараа харуулаад авсан. Тэрээр Монголын үндэстэн ястаны ардын богино дууны холбооны дэд захирлаар ажилладаг төдийгүй арав орчим бэсрэг болон айзам ардын дуу дуулсан байдаг. Түүнчлэн Дэмидээ СУИС-ийн тайз дэлгэцийн урлагийн сургуулийн уран чадварын тэнхимийн багшаар ажиллаад хэдэн жилийн нүүрийг үзэж байгаа. Багшлахын зэрэгцээ хамтлагтаа ажиллах, театрынхаа үйл ажиллагаанд оролцох хувийн уран бүтээлүүдээ хийх гэх мэт маш завгүй ажилладаг тэрээр хийснийхээ хэрээр хөдөлмөрөө үнэлүүлж хангалттай цалин хөлс авдагаа ч нуудаггүй. Олны танил хүмүүсийн жишгээр хоёрдахь амьдралаа зохиож яваа тэрбээр анхныхаа эхнэртэйгээ олож жил ханилж хоёр ч хүүхдийн аав ээж болсон ч хоёр тийш болсон гэдэг.