Жүжигчин О.Гэрэлсүх: Топ модель Д.Пүрэвсүрэнг хардсаны улмаас хэд хэдэн удаа гар хүрсэн

 Урлагт 14 настайдаа хөл тавьсан туршлагатай жүжигчин бол О.Гэрэлсүх. Тэрээр SBN телевизийн бүтээл "Гэр" олон ангит кинонд топ модель Д.Одгэрэлтэй гэр бүл болж өнөр өтгөн айлын өрхийн тэргүүн болдог. Тиймээс киноны зураг авалтын үед топ бүсгүйг алгадах нь зүгээр л энгийн үзэгдэл байсан гэдэг. Учир нь хартай, харгис нөхрийн дүр бүтээсэн залууд үүнээс өөр сонголт байгаагүй аж. Гэтэл харин саяхан нээлтээ хийж үзэгчдийг байлдан дагуулж байгаа "Ларьдма" кинонд тэрээр мөн л хартай нөхрийн дүр бүтээсэн юм. Тэрээр эл кинонд мөн л соёлын тэргүүний ажилтан топ модель Д.Пүрэвсүрэнд хэдэнтээ гар хүрдэг. Харахад нүдэнд дулаахан энэ залуу, хамгийн сайхан бүсгүйчүүдэд гар хүрч, дүрдээ орохоороо үнэхээр зэрлэг харагддаг шүү.