100 долларын дэвсгэртээр 00-ын цаас хийжээ

Америкийн сагсан бөмбөгийн од Гилберт Аренес Instagram дахь өөрийнхөө хуудсанд нэгэн зураг нийтэлж дуулиан тарьсан байна. “Шанхай Шаркс” багийн 31 настай хамгаалагч маань гэрийнхээ ариун цэврийн өрөөнд 00-ын цаасны оронд 100 долларын дэвсгэрт ороосон зургаа нийтэлжээ. Энэ зургийнхаа дор тэрээр “Мөнгө хүнийг өөрчилдөггүй. Хүн харин мөнгийг өөрчилж болно. Баян хүн банк дээрэмдэж байхыг үзсэнгүй. Харин би бол 100 долларын дэвсгэртийг ариун цэврийн өрөөндөө л ашигладаг” гэсэн тайлбар бичжээ. 

Сагсан бөмбөгийн од Аренес  тамирчныхаа хувьд төдийгүй биеэ авч явах талаараа олны анхааралд байнга байдаг нэгэн. 2009-2010 оны улирлын тоглолтынхоо үеэр тэр галт зэвсэг, хар тамхи авч явсан хэргээр асуудалд орж байсан юм.