Тайзны хатад

Энэ жилийн одоор Edie Campbell-г шалгаруулах нь зүй ёсны хэрэг болов уу. Тэрээр Луврын музейд зохиогдсон Парисын долоо хоногт Louis Vuitton-г нээн гарч ирэхдээ олныг алмайруулсан билээ. Нүцгэн мэт боловч Stephen Sprouse-н графитаар биеэ чимэглэсэн тэрээр Английн загвар өмсөгчид ямар түвшинд хүрсэнийг илтгэх мэт. Тэрээр McQueen, Saint Laurent, Louis Vuitton, Burberry, Marc Jacobs, Calvin Klein зэрэг брэндүүдийн хавар/зун 2014 оны загварын долоон хоногийн тайзыг мөн чимсэн юм. Нийт 34-н шоунд оролцсоноор Sam Rollinson удаах байрт орсон байна. Олон зохион бүтээгчийн харцыг булаасан модель яахын аргагүй 16 настай Georgia Taylor(1) байлаа. Burberry-н шоуг нээсэн Matilda Lowther(3)-г шүүмжлэгчид ирээдүйтэй хэмээн үнэлсэн бол хэдхэн сарын өмнө өөрийн даашинзыг сонгож байхдаа загварынхны хараанд өртөн анхны загварын долоо хоногтоо оролцож буй Zux Huxford(5) өөртөө итгэлтэй алхаж байв.