Жангум Монголд хоолны нэвтрүүлэг хөтлөхөөр ирлээ

“Дэ Жангум” киногоороо монголчуудад танил болсон Солонгосын жүжигчин Ли Ен Э  өчигдөр  манай улсад ирлээ. Тэрбээр  өчигдөр оройн 22.30 цагт Сөүл-Улаанбаатар чиглэлийн онгоцоор Чингис хаан нисэх онгоцны буудалд буусан юм. 

Солонгосын STS телевизийн сувгаас Азийн орнуудын уламжлал хоолны тухай цуврал нэвтрүүлэг, баримтат кино хийж байгаа бөгөөд энэхүү баримтат киноны ажлаар жүжигчин Ли Ен Э Монголд ирсэн  аж. Солонгос иргэдийн идэх дуртай тойгны шөл, хавиргатай шөл гэх мэт хоолыг Монголын уламжлалт хоол гэдгийг харуулсан баримтат киног бүтээж, хөтлөгчөөр нь Жангум ажиллах юм байна. 

Жүжигчин Ли Ен  Э Монголд байх хугацаандаа Рамада зочид буудалд байрлах юм байна.  Дашрамд сонирхуулахад,  “Дэ Жангум” киноны хоёр дахь цувралыг гаргахаар уран бүтээлчид нь ярилцаж байгаа бөгөөд хуучин бүрэлдэхүүнээрээ тоглох тоглохгүй нь одоохондоо тодорхойгүй байгаа аж.