Монголдоо бус ,Азид үнэлэгдсэн мисс

Энэ жилийн шилдэг загвар өмсөгчөөр тодорсон Т.Туяамаа хэмээх бүсгүйг “Catwalk “ хамтлагийн гишүүн байснаар нь зарим хүн нь мэднэ. Анх 14 настайдаа загварын ертөнцөд хөл тавьсан түүнд анхны “А” үсэг заасан багш нь Ч.Содтуяа юм. Өдгөө МУИС-ийн социологийн ангид суралцдаг тэрбээр тэр бүр хэн нэгэнтэй нэр холбогдоод байдаггүй нэр цэвэр моделиудын нэг.”Азийн дэд мисс” –ээр шалгарч байсан түүнд Солонгосын алдартай продюсерууд хамтарч ажиллах санал тавьжээ. Загвар өмсөгч хүний хувьд хилийн чанадад эх орныхоо нүүр хуудас болон загварын чиг хандлагийг нь тодорхойлно гэдэг том завшаан юм. Энэ удаа бид Туяамаагийн нэгэн үдшийн, чөлөөт цагаа хэрхэн өнгөрүүлж байгааг дурандсан юм.