Брэдийн гэр бүл Япон улсад саатлаа

Холливудын алдартай гэр бүлүүдийн нэг жүжигчин Анжелина Жоли, Брэд Питт нар өчигдөр Япон улсад хүрэлцэн иржээ. Сэтгэл татам хосууд Азийн оронд саатсан гол шалтгаан нь сүүлийн үед кино сонирхогчид төдийгүй шүүмжлэгчдийн анхаарлыг татаад буй Брэд Питийн “World War Z” кино Японд албан ёсоор нээлтээ хийх болсонтой холбоотой юм. Хосууд ням гаригт хүүхдүүдийнхээ хамтаар “Haneda” олон улсын нисэх будалд газардах үед олон мянган кино сонирхогч фэнүүд нь тэдэнтэй мэндчилэхээр халуун дотноор угтан авсан байна. 

Есөн настай Пакс, таван настай ихрүүд Накс, Вивиени хүүхдүүдээ дагуулсан Жоли, Брэд нар нисэх буудалд цугларсан фэнүүдээсээ цөөн хэдэн хүнд гарын үсгээ үлдээн, шүтэн бишрэгчидтэйгээ болоод гэрэл зурагчидтай хэдэн минутыг  хамтдаа өнгөрөөсөн байна. Олон улсад нээлтээ хийгээд эхний арав хоногтоо л 263 сая ам.долларын орлого олсон “World War Z” кино Японд нээлтээ хийсний дараа Герман, Франц зэрэг хэд хэдэн улсад мөн албан ёсны нээлтээ хийх гэнэ.